عکس نوشته لری

دوبیتی لری بالاگریوه_ رهگذر

رهگذر

رهگذر گِرّی نروء تامه سئوالی بپرسم

فک نکو که مه دِتو حرف محالی بپرسم

دِ دیار دوس مه توکه دونم داری خِور

دش نارم چن سال خِورحاسم حِوالی بپرسم

شاعر : ماشالله کریمی اندیمشک

شعرلری _روزگاربی وفا

#شعرلری_بالاگریوه 

        روزگاربی وفا

روزگاری عشایرصفایی داشت 

بلبل عاشقی هم وفایی داشت

پیمونه شادی وه دس روزگار

همیشه پر وی دِآساره شوگار

غیرت وا پیاداری قووِری داشت

گل شادینه د مین دلیا می کاشت

اسب وزین کرده دموقع مال وبار

شال وستره بسته وا شنگ قطار 

مالگه وه مالگه بستن یه چیت وجا

زمونه وا او مردمو داشت صفا 

هرجایی که بارونن ناشتن غصه

چه ِله شادیاشو نه وی بورسه 

دُم اوسارعاشقین بافتن وایک 

گولِنگ محبتیا شو همه تک

وقتی که رَسِسِن همه وه جاکار

لاؤکیا مِهرِن می وَستِن وه شوق یار 

روشه کردن وا خه نه چراغ دل 

وه ری خوشو نیاوردن دارن مشکل

غمیاشون بستن وه گوشه دلیاشو

واز کردن سی براری بغلیاشو

هیچ براری وا براری کینه ناشت

هیچکومشوعقده د مین سینه ناشت

مهربونی نقش کرداریاشو وی 

صداقت د مین پنداریاشو وی 

ریاکارینه ناشتن د مین رفتار

نکاشتن ریشه کینه د مین پندار

ظاهروباطنشو چی طلا پاک وی 

مال دنیا د چشیاشو چی خاک وی 

برکت د سفره همشو موج میزه 

شادیا تا آسمونیا اوج میزه

حیفه که د یاد روعه او روزگار

او همه مردمونه نیکو گفتار 

حیفه که فراموش وا او کرداریا

حیفه که حوشک وایه چشمه ؤ داریا

حیفه که ساز چَمریونه دیئیم 

حیفه که وا کاروان ناله ریئیم 

دل علیاگیرسه دی روزگار 

که ناره بجز غصه د کاروبار

شاعر: #علی_سرابی_یاقوند