عکس نوشته لری

تنهاگروه رسمی ایل بزرگ پاپی درتلگرام

تنهاترین گروه  رسمی  ایل بزرگ پاپی که درتلگرام فعالیت دارد

همین است ݪذادیگرگروهایی که به این نام هستندجعلی بوده وهیچ سنخیتی باایل بزرگ پاپی ندارند

برای عضویت دراین گروه لطفا به روی لینک زیر کلیک نمایید

  https://t.me/joinchat/EyS6fEFcpy7q2V1-eQptGA

شعرلری _درددل

‍ دردِ_دِل 

نِقانِق چالِ تِشنیم بغض و حسرت

خـزونم مهِ بـهـارم زی دِه دَس رَت

هَرشـو #دردِ _دِل وا خومو خدام

دِه چـشِ ڪـورِم گِله اسِـر مـیهـام

یـَخ زیـه ده چـالِ تِشنی آهِ سـردِم

مِ خــدا هَـم دِ نمیڪه چـاره دردِم

مِ چِنو بخـتم دِ شـادی بی نصیوه

ڪافر وِ حــالـِم روا رو می گریوه

خدایا تونِ خدا گوش بـه وِ دَنگِم

زِنـئـیـمِ بـاخـتِـمـه تــاڪه بَجنگم

خــدایـا دردِ_دِلَ قَـهـرت نِـئیره

اَر بوئِم حـالِم خوئه خَنت نـِمیره؟

شاعر حمیدرضاشیراوند 

شعرلری _مجازاتم نکو

مجازات

مجازاتم نکو اِ دوس، مه خوم زی بنه دار ویمه.

دِ وَر خاو وِ دس تو ، طناف دارِ خومن دیمه.

ئو سیم خاردار عشقِ تو ، که یاغی هم نِوُرَش شو.

هزار بار رَشَن بُریم ئو لارم جا خارِ ای سیمه..

چنی پشت پا وِ مه زیی ، تو اُسارِ دلم سیی.

وِ سر اُسار دِ دس رَته ، هنی مه وا دلم قیمه.

کموتر وِ گِله دارم ، زنم قوقو دِ داغ یارن.

تو لیزِ من چه شیونی ، مه لیزِ تون نَشیونیمه.

منم چی دارِ حُشگیسم ، که بی بلگم و تر نیسم.

نَوو جاتن که سا نارم ، درخد فرخ داره وا هیمه.

شاعر: مولا ناصری

شعرلری _سلام وه بالاگریوه

وبالا گریوه سلام رسونم

وِهمه ایلا وکُل دوسونم

دگپ تا کوچک ارادت دارم

سیتو بسازه پرورد گارم

تقلا کُنیت سی زِوون دا

ای مسئولیت حا دِ مِل شما

هر کوم وِ گوشید هر کوم اِشنویِت

وِ زِوون دا حرفیاتون بویِت

ار وِ اصالت افتخار داری

ار وِ اتحاد اشتهار داری

بیشدر وِ هینه بستگی داره

که سُس نکُنیت و ای گوتاره

نومتو وِخویی ار کسی بوئه

وسر بِلنی اسمتو در روئه

وا زِوون دا کُنیت هَچایه

خیلی آسونه هرکه بهایه

زِوونِ لُرّی زِوون دِرّیه

ریشَشو اصیل اُ مادریه

کتاو لُغتِیا بی شک وگمو

بیشدر مه دیمه وِ زِوون خومو

هرکس فکر کنه که کلاس داره

وا زِوون دا گوتاره ناره

چی آو مالکی هی حا دِ ری آو

دونم بیار نی چونکه حا وِ خواو

اصالت خوشن فراموش کرده

وِ دس نا محرم دس ودس گرده

اما مه دونم پیایا خوخو

وِزِوون دا کُنِن گفتکو

بالا گریوه افتخار داره

هرگس دل نِنیه دِ ای گوتاره 

شاعر: ماشالله کریمی از اندیمشک