افتاوزنو
هرشوصو افتاو زنو دل انتظاره
منی توکنه عزیز باز تا ایواره
هروقتی که شورسه بی توهنارس
زنو عثرغم د چشیام سرازیره
شاعر:علی سرابی یاقوند
زلف یار
دو زُلفت صاف اُ چَشیات هم خُمارن
گیسیات تاو هَردِنه ، گُوی غِلفِ مارِن
بیا کَــــــــمتِر نِشونشو بِ وِ مَردِم
دِمـــــــــار دِ روزگــــــــار درارِن
شاعر:پنجعلی پاپی
گل سور
گل سُورِم خریدارت مِنــِم مِه
اسیر درد و بیمارت مِنــِم مِه
قدم ودار اُ سیل کُو دورِ حونت
غِـریـوِ پـایِ دیـوارِت مِنــِم مِه
شاعر: امین زاده سامی
مدروزگار
روزگار مُدشَه که ها زِنَه دور
ایما بَنَیا هم ها کَشیم جُور
بهار گُذریه وا آو اُ هَواش
تاوسو وا گرما ، یائه وِسِر جاش
هه ادامه دییَه و ای گُذرش
پائیز ها دِ ره بیا پشت سرش
تا چَش دی و یَک پائیزن بینی
زِمسو یا گیرَت ، چی دُشمن خینی
چِهار فصل سال ، هه وِ دور گَردن
دِلیان باز بینی ، که پُر دِ دَردِن
بَنَه بیچاره ، دائِم کَشه جور
هه زَحمَت کَشه تا روئه دِقُور
پنجعلی پاپی
دردعاشق
دَردِ عاشُقی گِرونُ و شیری
جِگرت سوزنه تا،سِنِ پیری
اَگر سِکته کُنی لِتو وا زُونِت
حَرفِ خوتِن زَنی و چَشِ گِریونِت
عِشق یه طَرَفه ، چی جویِباری
که هه وِل روعه وِصَحرای ِ هُماری
که باغی ناشتوعَه اُ بِیه آوش
مَگر شویه ،که او بِینه وِ خاوئِش
عاشوقی دِ وَختی سوخت سخونِش
گِره هَرد عِشق ، راسیهِ وِ جونِش
چنان بایَد وِ پایِ یَک بَمیرن
که هیچ ایراد وِ یَکتری نَگیرن
هَر عِشقی دو طرف با اُستواره
جدایی شو فقط ،روز مرگ واگُذاره
دو دِلدارِن خوعه بَنی دِ یِ قور
دئ دیری یَکتری ،، نَکَشن جور
شاعر: پنجعلی پاپی